ՄԵԿՆՈւՄ / ՎԵՐԱԴԱՐՁ
Մեկնումը՝ Գյումրի, Շառլ Ազնավուրի հրապարակ: Մեկնելու հստակ ժամը մեկնումից մեկ օր առաջ ընկերությունը տեղեկացնում է հեռախոսազանգով կամ հաղորդագրությամբ, մեկնելու մոտավոր ժամերն են՝ առավոտյան 6:00-9:00՝ կախված տուրի ուղղությունից և մեկնող խմբերի թվից: Մեքենան ու գիդը մեկնելու վայր մոտենում են Ընկերության նշած ուղիղ ժամին:
Վերադարձը մեկնման նույն վայրում է, վերադարձի ժամերը կախված են առանձին տուրերից:

ՀԱԳՈւՍՏ
Բոթաս /հարմար կոշիկ, սպորտային/ հարմար հագուստ, տաք հագուստ, ուսապարկ, արևային ակնոց, գլխարկ, անձրևանոց:

ՈւՂԵԲԵՌ
Ուղեբեռը պետք է լինի ոչ մեծ չափերի՝ ավտոմեքենայում հարմար տեղավորելու համար:

ՍՆՈւՆԴ
Ճանապարհի համար, ըստ Ձեր ցանկության, կարող եք վերցնել քաղցրավենիք կամ թեթև սնունդ, ջուր:

ԱՊԱՀՈՎԱԳՐՈՒԹՅՈՒՆ
- Բժշկական ապահովագրությունը, ըստ ցանկության, կարող եք ինքնուրույն կատարել:
- Տուրի ընթացքում առաջացած ցանկացած առողջական խնդրի դեպքում Ընկերությունը չի հոգում ծախսերը:

ՏՐԱՆՍՊՈՐՏ
Ընկերության տրանսպորտային միջոցներում նախապես չի իրականացվում նստատեղերի բաշխում, գործում է նստատեղերի ռոտացիոն սկզբունքը, այսինքն՝ տեղերը փոխվում են՝ հետևից դիմաց ու հակառակը: Միայն բացառիկ դեպքերում առողջական վիճակի պատճառով տրամադրվում է հատուկ նստատեղ:

ԶԵՂՉԵՐ ՀԱՎԱՏԱՐԻՄ ՀԱՃԱԽՈՐԴՆԵՐԻՆ
Մեր ընկերությունից մեկից ավել անգամ օգտվելու դեպքում նախատեսված է 5 տոկոս զեղչ:

ՎՃԱՐՄԱՆ ՊԱՅՄԱՆՆԵՐ

1)Ցանկացած պատճառով տուրից հրաժարվելու դեպքում Հաճախորդի վճարած գումարը վերադարձման ենթակա չէ, Հաճախորդի արած ամրագրումը չեղարկման ենթակա չէ: 

2)Հաճախորդի վճարած գումարը հետ չի վերադարձվում տուրի մեկնումից ուշանալու, տուրին չմասնակցելու դեպքում: 

3)Ընկերության կողմից ֆորս մաժորային իրավիճակում տուրը չեղարկվելու դեպքում անմիջապես և ամբողջությամբ վերադարձվում է Հաճախորդի վճարած գումարը:

4)Եթե Հաճախորդն ուշ գրանցվելու կամ այլ հարգելի պատճառով նախապես չի կարողանում վճարումն անել, ապա տուրին չմասնակցելու կամ իր ամրագրումը չեղարկելու դեպքում պարտավորվում է տուրին հաջորդող 2 օրերի ընթացքում կատարել նախատեսված վճարումն ամբողջությամբ։