Լայվ Տուրը հրավիրում է ձեզ բացահայտելու Տավուշի մարզի անտառապատ լեռների մեջ թաքնված հրաշալիքները։ Այս հետաքրքիր և ակտիվ ուղևորության ընթացքում կծանոթանանք Դիլիջանի տարածաշրջանի միջնադարյան վանքերին և կվայելենք Տավուշի բնության բացառիկ գեղեցկությունը։

Մեր ուղևորությունը կսկսվի Հին Դիլիջանից, որտեղ կզգանք քաղաքի յուրահատուկ մթնոլորտը և կծանոթանանք նրա պատմական միջավայրին։ Այնուհետև կուղևորվենք դեպի խորհրդավոր Աղավնավանք, ուր կհասնենք մոտ 2 կմ անտառային քայլարշավով՝ վայելելով Դիլիջանի ազգային պարկի խաղաղ և գեղատեսիլ բնությունը։

Հաջորդ կանգառը կլինի Գոշավանքի վանական համալիրը՝ հայկական միջնադարյան ճարտարապետության կարևոր հուշարձաններից մեկը։ Այստեղից մեր ուղևորությունը կշարունակվի դեպի Ջուխտակ վանք, որը թաքնված է անտառների խորքում։

Ուղևորության ամենատպավորիչ հատվածներից մեկը կլինի քայլարշավը դեպի Մաթոսավանք, որտեղ մեզ դիմավորում է խորհրդավոր անտառային միջավայրն ու հայկական քարարվեստի գեղեցիկ օրինակները։ Այստեղ կհիանանք նաև հայտնի «Խաչքարերի սիմֆոնիայով»։

Տուրի ընթացքում մասնակիցներին կտրվի նաև ազատ ժամանակ՝ վայելելու Դիլիջանի անտառների չքնաղ տեսարանները, հանգստանալու և լուսանկարելու համար։

Տուրի շրջանակներում քայլարշավների ընդհանուր երկարությունը կազմում է մոտ 8 կմ, ինչը դարձնում է այս ուղևորությունը հատկապես հետաքրքիր բնության և ակտիվ հանգստի սիրահարների համար։

Ուղևորության արժեքը

7000 դրամ

Գնի մեջ ներառված է՝
• Տրանսպորտ — VW Crafter կամ Mercedes Sprinter (մինչև 16 տեղ)
• Պրոֆեսիոնալ գիդի ծառայություն

Մեկնում

Գյումրի — Շառլ Ազնավուրի հրապարակ
Մեկնում՝ 08:30
Վերադարձ՝ 20:30

Լրացուցիչ տարբերակ

Տրանսպորտ — Toyota Voxy / Dodge Journey (մինչև 6 տեղ)
Ուղևորության արժեքը՝ 9000 դրամ

Գրանցվելու և մանրամասների համար զանգահարեք

033-177-447
098-177-447